Нашыя стажоры дзеляцца сваімі ўражаннямі ад наведвання УЗВ

На працягу тыдня стажыроўку ва "Універсітэце Залатога Веку" праходзілі госці з Брэста, Мінска і Смаргоні. Нашыя стажоры штодня вялі дзённікі, у якіх фіксавалі свае ўражанні ад сустрэч і падзеяў у межах стажыроўкі. Некаторыя вытрымкі з гэтых дзённікаў прапануем вашай увазе.

Вольга Есмановіч, Брэст

Пра Раду УЗВ: Ідэя стварэння Рады падалася мне вельмі добрай і карыснай ідэяй. 
Сябры Рады УЗВ пазітыўныя, граматныя, умець слухаць адзін аднаго, прымаць сумесныя рашэнні, прасоўваць карысныя ідэі.

Пра слухачоў УЗВ: спадабалася, что слухачы на самой справе атрымлівалі задавальненне ад заняткаў, былі добразычлівымі і адкрытымі. 
Поспехаў вам у вашай карыснай і вельмі патрэбнай справе!

Ірына Богдан, Мінск

Пра сустрэчы з кіраўніцтвам: Згодная з Вітаўтам Руднікам, старшынём праўлення ГА “Цэнтр “Трэці сектар”, што сталых людзей трэба ўключаць у сацыяльныя працэсы. 
У час сустрэчы з кіраўніцай праграмы УЗВ Ланай Руднік уразіла, што першых слухачоў УЗВ у 2010 г. было каля 40 чалавек, а цяпер - 140 чалавек! 
Значыць, гэта неабходна людзям!

Пра беларускую мову: Вельмі ўразіла навокал чуць беларускую мову, што вельмі радуе. 
Незаўважна для сябе сама пачала таксама гаварыць, хутчэй (пакуль) ужываць беларускія словы.

Ала Страшынская, Смаргонь

Пра блог УЗВ: Захапляе энтузіазм рэдактара і ідэйнага натхняльніка. Цешыць тое, што блог рэгулярна абнаўляецца, папаўняецца, “прырастае” новымі аўтарамі.

Пра заняткі УЗВ: Станоўчы фактар – падтрымка ініцыятыў былых навучэнцаў у пашырэнні тэматыкі заняткаў. Спадабалася лекцыя Любові Зорынай - глыбокія энцыклапедычныя  веды дакладчыка кранаюць душу і натхняюць на далейшае вывучэнне гістарычнай спадчыны роднага краю.

Пра перайманне досведу: Чалавек - істота сацыяльная, яму патрэбны стасункі і гэта дае яму УЗВ. Пераканана, што набыты гарадзенцамі досьвед варты распаўсюджвання і пераймання.